中國民間四大愛情故事之一《梁山伯與祝英台》，被喻為「東方羅密歐與朱麗葉」。香港芭蕾舞團將《梁祝傳奇》「經典再造」，融合中西美學及現代風格，打造耳目一新嘅《梁山伯與祝英台》大型芭蕾舞劇，製作和演出班底包括駐團編舞家胡頌威Ricky及太太麥靜雯等。Ricky 喺《藝文谷》會分享創作心得，以及創作過程中最難忘嘅一件事。


本地其中一件年度音樂盛事「港樂．星夜．交響曲」即將舉行，今年其中一個焦點，係音樂會由一晚，變成兩晚。香港管弦樂團市場推廣總監胡銘堯Dennis 會親自分享攞入場卷嘅秘訣，仲會送上睇Show嘅溫馨提示，當然亦會介紹今年參與音樂會嘅一眾藝術家，以及演奏曲目背後嘅故事。

有興趣嘅朋友記住唔好錯過喇。